حسینون نوحه سین دلریش یازاندا

مسلمان سهلدیر که کافر آغلار

کور اولمیش گوزلرین قان دوتدی شمرین

که گورسون اوز الینده خنجر آغلار

حسینون کوینگی زهرا الینده

چکر قیحا قیامت محشر آغلار

آتاندا حرمله اوخ کربلا ده

گوریدین دشمن آغلار خنجر آغلار

قوجاقیندا گوریدین ام لیلا

آلیب نعش علی  اکبر آغلار

رباب نیسگیل دوشونده سود گورنده

علی اصغری یاد ایلر آغلار

باشیندا کاکل اکبر هواسی

یل آغلار سنبل آغلار عنبر آغلار

یازاندا آل طاها نوحه سین من

قلم گوردوم سیزیلدار دفتر آغلار

استاد شهریار